ЗАЦВЕРДЖАНА
Рашэнне Веткаўскага раённага
выканаўчага камітэта
ад 08.09.2014 № 833
(у рэдакцыі рашэння Веткаўскага
раённага выканаўчага камітэта
____________2022 №____ )
СТАТУТ
Дзяржаўнай установы адукацыі
“Прыснянская базавая школа”
УСТАВ
Государственного учреждения образования
«Приснянская базовая школа»
Веткаўскі раён
2022
РАЗДЗЕЛ 1. АГУЛЬНЫЯ ПАЛАЖЭННІ
1.1. Дзяржаўная ўстанова адукацыі “Прыснянская базавая школа” (далей – Установа) створана ў адпаведнасці з Грамадзянскім кодэксам Рэспублікі Беларусь, Кодэксам Рэспублікі Беларусь аб адукацыі, іншымі актамі заканадаўства Рэспублікі Беларусь.
Базавая школа з'яўляецца правапераемнікам правоў і абавязкаў рэарганізаванай Дзяржаўнай установы адукацыі "Прыснянская базавая школа"
1.2. Установа ажыццяўляе сваю дзейнасць у адпаведнасці з Канстытуцыяй Рэспублікі Беларусь, Кодэксам Рэспублікі Беларусь аб адукацыі, законамі Рэспублікі Беларусь, дэкрэтамі, указамі і распараджэннямі Прэзідэнта Рэспублікі Беларусь, Палажэннем аб установе агульнай сярэдняй адукацыі, іншымі актамі заканадаўства, дадзеным Статутам.
1.3. Установа з’яўляецца юрыдычнай асобай, у адпаведнасці з заканадаўствам Рэспублікі Беларусь мае замацаваную за ёй на правах аператыўнага кіравання адасобленую частку маёмасці, пячатку з выявай Дзяржаўнага герба Рэспублікі Беларусь, штамп са сваім поўным найменнем, разліковы рахунак і іншыя рахункі ў банках Рэспублікі Беларусь, можа быць істцом і адказчыкам у судзе. Мае самастойны баланс. Ўстанова як юрыдычная асоба лічыцца створаным з моманту яго дзяржаўнай рэгістрацыі, калі іншае не ўстаноўлена заканадаўствам Рэспублікі Беларусь. Праваздольнасць установы ўзнікае з моманту яго стварэння і спыняецца ў момант завяршэння яго ліквідацыі.
1.4. Поўная назва ўстановы:
на беларускай мове – Дзяржаўная ўстанова адукацыі «Прыснянская базавая школа»,
на рускай мове – Государственное учреждение образования «Приснянская базовая школа».
Скарочаная назва ўстановы:
на беларускай мове – Прыснянская базавая школа,
на рускай мове – Приснянская базовая школа.
1.5. Месца знаходжання ўстановы: вуліца Кааператыўная, дом 3, 247124, аграгарадок Прысно, Веткаўскага раёна, Гомельскай вобласці.
1.6. Тып Установы – установа агульнай сярэдняй адукацыі, від – базавая школа.
1.7. Від Установы можа быць зменены. Рашэнне аб змяненні віду ўстановы прымаецца Заснавальнікам па ўласнай ініцыятыве альбо па ініцыятыве ўстановы ў адпаведнасці з заканадаўствам Рэспублікі Беларусь.
1.8. Установа забяспечвае атрыманне агульнай базавай адукацыі.
Агульная базавая адукацыя ўключае ў сябе дзве ступені:
I ступень – пачатковая адукацыя (I–IV класы);
II ступень – базавая адукацыя (V–IX класы);
На I ступені агульнай сярэдняй адукацыі рэалізуецца адукацыйная праграма пачатковай адукацыі, змест якой з’яўляецца абавязковым.
Пачатковая адукацыя дае права на працяг адукацыі на II ступені агульнай сярэдняй адукацыі.
На II ступені агульнай сярэдняй адукацыі рэалізуецца адукацыйная праграма базавай адукацыі, змест якой з’яўляецца абавязковым.
Агульная базавая адукацыя дае права на працяг адукацыі на III ступені агульнай сярэдняй адукацыі, а таксама на ўзроўнях прафесійна-тэхнічнай, сярэдняй спецыяльнай адукацыі.
Засваенне зместу адукацыйнай праграмы базавай адукацыі з’яўляецца абавязковым.
1.9. Заснавальнікам установы з’яўляецца Веткаўскі раённы выканаўчы камітэт (далей – Заснавальнік).
Органам дзяржаўнага кіравання, упаўнаважаным уласнікам кіраваць маёмасцю Установы з’яўляецца аддзел адукацыі, спорту і турызму Веткаўскага раённага выканаўчага камітэта (далей – Упаўнаважаны орган).
Маёмасць установы з’яўляецца камунальнай уласнасцю Веткаўскага раёна і замацоўваецца за установай на праве аператыўнага кіравання. Распараджэнне маёмасцю ажыццяўляе ў адпаведнасці з заканадаўствам Рэспублікі Беларусь Веткаўскі раённы Савет дэпутатаў (далей-уласнік).
1.10. Установа адказвае па сваіх абавязкавх, якія знаходзяцца ў яе распараджэнні грашовымі сродкамі. Пры іх недастатковасці субсідыярную адказнасць па яе абавязках нясе ўласнік.
Заснавальнік не адказвае па абавязках Установы, а Установа не адказвае па абавязках заснавальніка, за выключэннем выпадкаў, прадугледжаных заканадаўствам Рэспублікі Беларусь і гэтым Статутам.
Па рашэнні гаспадарчага суда накладаецца першачарговая субсідыярная адказнасць па даўгах перад бюджэтам на ўласніка, заснавальніка або іншых асоб, якія маюць права даваць абавязковыя для Установы ўказанні альбо іншым чынам вызначаць яе дзеянні, у выпадку ліквідацыі (спынення дзейнасці) Установы.
Установа не мае права выступаць гарантам або паручыцелем перад банкамі-крэдыторамі юрыдычных асоб недзяржаўнай формы ўласнасці і фізічных асоб па выкананні гэтымі асобамі сваіх абавязкаў вяртання атрыманых крэдытаў, акрамя крэдытаў, якія выдаюцца на будаўніцтва жылых памяшканняў у памеры, прадугледжаным дзеючым заканадаўствам Рэспублікі Беларусь.
Установа па сваіх абавязках адказвае грашовымі сродкамі і маёмасцю, якія знаходяцца ў яе распараджэнні, набытым за кошт выдаткаў ад дзейнасці, якая прыносіць даходы.
1.11. У Установе не дапускаецца стварэнне і дзейнасць палітычных партый, іншых грамадскіх аб’яднанняў, якія маюць палітычныя мэты, а таксама стварэнне і ананімная або іншая супярэчная заканадаўству дзейнасць рэлігійных арганізацый.
1.12. Установа ў пытаннях выхавання на падставе пісьмовых заяў вучняў (законных прадстаўнікоў непаўналетніх вучняў) у пазавучэбны час можа ўзаемадзейнічаць з зарэгістраванымі рэлігійнымі арганізацыямі з улікам іх уплыву на фарміраванне духоўных, культурных і дзяржаўных традыцый беларускага народа.
Парадак, умовы, змест і формы такога ўзаемадзеяння вызначаюцца Урадам Рэспублікі Беларусь па ўзгадненні з Прэзідэнтам Рэспублікі Беларусь.
1.13. Установа можа быць абмежавана ў правах толькі ў выпадках і парадку, прадугледжаных заканадаўчымі актамі.
РАЗДЗЕЛ 2. ПРАДМЕТ, МЭТЫ І ЗАДАЧЫ ДЗЕЙНАСЦІ ЎСТАНОВЫ
2.1. Установа з’яўляецца некамерцыйнай арганізацыяй, створанай для дасягнення адукацыйных мэтаў, і не мае мэты атрымання прыбытку ў якасці асноўнай мэты сваёй дзейнасці.
Установа выконвае адукацыйную, інтэлектуальную, сацыяльную і культурную функцыі, накіраваныя на задавальненне інтарэсаў асобы, грамадства і дзяржавы.
2.2. Прадметам дзейнасці Установы з’яўляецца аказванне паслуг у сферы адукацыі, у тым ліку арганізацыя і правядзенне вучэбнай, выхаваўчай і метадычнай работы.
2.3. Мэтамі дзейнасці Установы з’яўляюцца:
фарміраванне ў вучняў неабходных ведаў, уменняў, навыкаў і кампетэнцый;
інтэлектуальнае, духоўна-маральнае, творчае, фізічнае і прафесійнае развіццё асобы навучэнца;
фарміраванне грамадзянства і патрыятызма;
правядзенне даследаванняў у галіне адукацыі, методыкі выкладання і выхавання.
2.4. Для выканання мэт дзейнасці ўстанова рэалізуе наступныя задачы:
развіццё асобы навучэнцаў, іх здольнасцяў і схільнасцей;
стварэнне ўмоў, неабходных і дастатковых для рэалізацыі творчага патэнцыялу асобы навучэнцаў;
правядзенне навукова-метадычнай працы, накіраванай на ўдасканаленне адукацыйнага працэсу;
арганізацыя адукацыйнага і выхаваўчага працэсаў з выкарыстаннем сучасных навукова-тэхнічных сродкаў;
фарміраванне ў вучняў высокіх духоўна-маральных каштоўнасцяў, здаровага ладу жыцця, грамадзянскасці, патрыятызму, адказнасці, працавітасці;
фарміраванне эстэтычнай і экалагічнай культуры;
выданне вучэбных і вучэбна-метадычных дапаможнікаў;
правядзенне работы па ўзаемадзеянні з іншымі ўстановамі адукацыі, у тым ліку замежнымі, з мэтай выкарыстання назапашанага прагрэсіўнага вопыту арганізацыі працэсаў навучання і выхавання;
аказанне садзейнічання навучэнцам у авалоданні каштоўнасцямі і навыкамі здаровага ладу жыцця;
стварэнне ўмоў для самаразвіцця асобы навучэнца;
маральнае выхаванне, накіраванае на далучэнне навучэнцаў да агульначалавечых і нацыянальных каштоўнасцей.
2.5. Для дасягнення мэты і пастаўленых задач Установа можа ажыццяўляць віды эканамічнай дзейнасці ў адпаведнасці з Агульнадзяржаўным класіфікатарам Рэспублікі Беларусь АКРБ 005-2011 «Віды эканамічнай дзейнасці»:
85200 - пачатковая адукацыя;
85310 - агульная сярэдняя адукацыя;
85600 - дапаможныя адукацыйныя паслугі;
85590 - іншыя віды адукацыі, якія не ўключаны ў іншыя групоўкі;
68200 - здача ў наём уласнай і арандаванага нерухомай маёмасці;
62090 - іншыя віды дзейнасці ў галіне інфармацыйных тэхналогій і абслугоўвання камп’ютарнай тэхнікі;
96040 - дзейнасць па забеспячэнні фізічнага камфорту;
Асобнымі відамі дзейнасці, пералік якіх вызначаны заканадаўствам Рэспублікі Беларусь, установа можа займацца толькі на падставе спецыяльнага дазволу (ліцэнзіі).
Права Установы ажыццяўляць дзейнасць, на занятак якой неабходна атрыманне ліцэнзіі, рэалізуецца з моманту атрымання ліцэнзіі ці ва ўказаны ў ёй тэрмін і спыняецца па заканчэнні тэрміну яе дзеяння, калі іншае не ўстаноўлена заканадаўствам Рэспублікі Беларусь.
2.6. Установа у парадку, прадугледжаным заканадаўствам Рэспублiкi Беларусь, можа ажыццяўляць:
рэалізацыю адукацыйнай праграмы дададтовай адукацыі дзяцей і моладзі;
рэалізацыю адукацыйнай праграмы спецыяльнай адукацыі;
арганізацыю навучання і выхавання вучняў, якія:
па медыцынскіх паказчыках часова або пастаянна не могуць наведваць вучэбныя заняткі ва ўстановах, – дома;
знаходзяцца ў санаторна-курортных і аздараўленчых арганізацыях, ва ўмовах санаторна-курортных і аздараўленчых арганізацый;
эксперыментальную i iнавацыйную дзейнасць.
Сумесна з Упраўленнем па працы, занятасці і сацыяльнай абароне насельніцтва Веткаўскага раённага выканаўчага камітэта Установа можа ажыццяўляць дзейнасць па праектах часовай занятасці моладзі.
РАЗДЗЕЛ 3. ПАРАДАК ФАРМІРАВАННЯ СТРУКТУРЫ І ШТАТНАГА РАСКЛАДУ ЎСТАНОВЫ
3.1. Установа фарміруе сваю структуру ў адпаведнасці з заканадаўствам і сапраўдным Статутам.
Установа можа мець у сваёй структуры структурныя падраздзяленні: бібліятэка, рэсурсны цэнтр, пункт карэкцыйна-педагагічнай дапамогі і іншыя структурныя падраздзяленні.
3.2. Структурнае падраздзяленне ўстановы можа стварацца як адасобленае падраздзяленне.
3.3. Прававы статус і функцыі адасобленых і структурных падраздзяленняў установы вызначаюцца гэтым Статутам і адпаведнымі палажэннямі, якія зацвярджаюцца ва ўстаноўленым парадку.
3.4. Установа:
3.4.1 для ажыццяўлення навучання і выхавання вучні I ступені агульнай сярэдняй адукацыі па адпаведных вучэбных планах і вучэбных праграмах аб’ядноўваюцца ў класы напаўняльнасцю згодна заканадаўству Рэспублікі Беларусь;
3.4.2. могуць стварацца:
класы інтэграванага (сумеснага) навучання і выхавання для асоб з асаблівасцямі псіхафізічнага развіцця і асоб, якія не маюць фізічных і (або) псіхічных парушэнняў.
3.5. Парадак стварэння і асаблівасці функцыявання класаў вызначаных у пункце 3.4.2. гэтага Статута, вызначаецца Міністэрствам адукацыі Рэспублікі Беларусь.
3.6. Ва Установе па рашэнню Заснавальніка можа быць адкрыты пункт карэкцыйна-педагагічнай дапамогі, дзейнасць якога рэгулюецца адпаведнымі нарматыўнымі дакументамі, зацверджанымі Міністэрствам адукацыі Рэспублікі Беларусь.
3.7. Працоўныя адносіны работнікаў ва Установе рэгулююцца працоўнымі дагаворамі (кантрактамі), якія заключаюцца ў адпаведнасці з працоўным заканадаўствам, калектыўным дагаворам, правіламі ўнутранага працоўнага распарадку.
3.8. Штатны расклад Установы зацвярджаецца на падставе тыпавых штатаў і нарматываў колькасці работнікаў устаноў адукацыі адпаведных тыпаў, зацвярджаемых Міністэрствам адукацыі Рэспублікі Беларусь.
3.9. Да педагагічнай дзейнасці не дапускаюцца асобы, якім заняткі дадзенай дзейнасцю забаронена рашэннем суда або па медыцынскіх паказчыках, а таксама асобы, якія былі асуджаныя за пэўныя злачынствы. Пералік адпаведных медыцынскіх супрацьпаказанняў і саставаў злачынстваў вызначаецца заканадаўствам Рэспублікі Беларусь.
3.10. Атэстацыя педагагічных работнікаў Установы ажыццяўляецца ў парадку, вызначаным Міністэрствам адукацыі Рэспублікі Беларусь.
3.11. Працоўныя кніжкі ўсіх работнікаў вядуцца і захоўваюцца ва Установе.
РАЗДЕЛ 4. ПАРАДАК АРГАНІЗАЦЫІ АДУКАЦЫЙНАГА ПРАЦЭСУ
4.1. Установа забяспечвае адпаведнасць адукацыі патрабаванням дзяржаўнага школьнага стандарта, тыпавым вучэбным планам і адпаведным праграмам, зацверджаных Міністэрствам адукацыі Рэспублікі Беларусь.
4.2. Суб’ектамі адукацыйных адносін з’яўляюцца вучні, законныя прадстаўнікі непаўналетніх навучэнцаў, педагагічныя работнікі.
Аб’ектамі адукацыйных адносін з’яўляюцца веды, уменні, навыкі, уласцівасці і якасці асобы навучэнцаў.
4.3. Навучальны план Установы, распрацоўваецца штогод на аснове тыпавога вучэбнага плана ўстановы агульнай сярэдняй адукацыі адпаведнага віду і зацвярджаецца яго кіраўніком па ўзгадненні з Заснавальнікам.
Да вучэбнага плана Установы можа распрацоўвацца тлумачальная запіска па арганізацыі адукацыйнага працэсу.
4.4. Асноўныя віды вучэбных заняткаў вызначаюцца вучэбнымі планамі і праграмамі.
4.5. Навучанне ва Установе ажыццяўляецца на беларускай мове.
Вывучэнне беларускай, рускай і адной замежнай мовы ва Установе з’яўляецца абавязковым, за выключэннем асобных катэгорый асоб з асаблівасцямі псіхафізічнага развіцця. Катэгорыі асоб з асаблівасцямі псіхафізічнага развіцця і парадак вывучэння імі моў вызначаюцца Міністэрствам адукацыі Рэспублікі Беларусь.
Парадак вывучэння беларускай і рускай моў замежнымі грамадзянамі і асобамі без грамадзянства, якія часова знаходзяцца або часова пражываюць у Рэспубліцы Беларусь, вызначаецца Міністэрствам адукацыі Рэспублікі Беларусь.
Абавязковы для вывучэння замежная мова вызначаецца Заснавальнікам з улікам запатрабаванняў дзяржавы і магчымасцяў Установы.
4.6. Вывучэнне вучэбных прадметаў пры засваенні зместу адукацыйных праграм агульнай сярэдняй адукацыі можа ажыццяўляецца на базавым, павышаным узроўнях.
Класы (групы) з вывучэннем асобных вучэбных прадметаў на павышаным узроўні могуць стварацца ва ўстанове на II ступені агульнай сярэдняй адукацыі.
Пералік вучэбных прадметаў, якія вывучаюцца на павышаным узроўні, вызначаецца кіраўніком Установы па ўзгадненні з Заснавальнікам у адпаведнасці з тыпавым вучэбным планам установы агульнай сярэдняй адукацыі адпаведнага віду.
4.7. Ва ўстанове для аказання дапамогі сям’і могуць адкрывацца групы падоўжанага дня для навучэнцаў, якія атрымліваюць адукацыю на I і II ступенях агульнай сярэдняй адукацыі. Палажэнне аб групе падоўжанага дня сцвярджаецца Міністэрствам адукацыі Рэспублікі Беларусь.
4.8. Асноўнай формай арганізацыі адукацыйнага працэсу пры рэалізацыі адукацыйных праграм агульнай сярэдняй адукацыі з’яўляецца вучэбны занятак: урок, назіранне, экскурсія і іншыя вучэбныя заняткі. Вучэбныя заняткі могуць праводзіцца па зменах. Дадаткова могуць праводзіцца факультатыўныя, стымулюючыя, падтрымліваючыя заняткі, кансультацыі, практыка, грамадска карысная праца.
4.9. Прыём (залічэнне) ва Установу для засваення зместу адукацыйнай праграмы базавай адукацыі ажыццяўляецца у адпаведнасці з Кодэксам Республікі Беларусь аб адукацыі.
4.10. Форма атрымання адукацыі ва Установе – вочная (дзённая).
Класы могуць дзяліцца на групы ў выпадках і парадку, вызначаных Палажэннем аб установе агульнай сярэдняй адукацыі або яго выглядзе.
Для вучняў, якія па медыцынскіх паказаннях часова або пастаянна не могуць наведваць установу, ствараюцца ўмовы для атрымання агульнай сярэдняй адукацыі на даму. Парадак арганізацыі атрымання агульнай сярэдняй адукацыі дома вызначаецца Міністэрствам адукацыі Рэспублікі Беларусь па ўзгадненні з Міністэрствам аховы здароўя Рэспублікі Беларусь. Пералік медыцынскіх паказанняў для атрымання агульнай сярэдняй адукацыі дома вызначаецца Міністэрствам аховы здароўя Рэспублікі Беларусь.
4.11. Атэстацыя вучняў пры засваенні зместу адукацыйных праграм агульнай сярэдняй адукацыі праводзіцца ў адпаведнасці з Кодэксам Республікі Беларусь аб адукацыі.
4.12. Адукацыйны працэс пры навучанні і выхаванні на I і II ступенях агульнай сярэдняй адукацыі арганізуецца ў рэжыме шасцідзённага школьнага тыдня, які ўключае пяцідзённы вучэбны тыдзень і адзін дзень тыдня для правядзення з вучнямі спартыўна-масавых, фізкультурна-аздараўленчых, іншых выхаваўчых мерапрыемстваў.
Адукацыйны працэс пры рэалізацыі адукацыйных праграм агульнай сярэдняй адукацыі арганізуецца па навучальных гадах. Навучальны год дзеліцца на чвэрці. Працягласць навучальнага года, чвэрцяў, канікул устанаўліваецца Міністэрствам адукацыі Рэспублікі Беларусь.
4.13. Выхаваўчая работа з вучнямі ва Установе ажыццяўляецца ў адпаведнасці з планамі і праграмамі выхавання, распрацаванымі і зацверджанымі ва ўстаноўленым парадку ў Рэспубліцы Беларусь.
4.14. Правы і абавязкі работнікаў Установы, вучняў, законных прадстаўнікоў непаўналетніх устанаўліваюцца заканадаўствам і іншымі лакальнымі нарматыўнымі прававымі актамі Установы, іх працоўнымі або грамадзянска-прававымі дагаворамі.
РАЗДЗЕЛ 5. КРЫНІЦЫ І ПАРАДАК ФАРМІРАВАННЯ МАЁМАСЦІ. ФІНАНСАВАЯ І ГАСПАДАРЧАЯ ДЗЕЙНАСЦЬ УСТАНОВЫ
5.1. Маёмасць Установы складаюць асноўныя фонды і абаротныя сродкі, іншыя каштоўнасці, кошт якіх адлюстроўваецца ў самастойным балансе ўстановы.
5.2. У выпадку ажыццяўлення Установай дзейнасці, якая прыносіць даходы, атрыманыя ад такой дзейнасці даходы і набытая за кошт іх маёмасць паступаюць у самастойнае распараджэнне Установы і ўлічваюцца на асобным балансе, калі іншае не прадугледжана заканадаўствам.
5.3. Крыніцамі фарміравання маёмасці Установы з’яўляюцца:
маёмасць, перададзеная Установе Заснавальнікам;
даходы, атрыманыя за кошт ажыццяўлення дзейнасці, якая адпавядае мэтам і прадмету дзейнасці Установы;
бязвыплатная (спонсарская) дапамога юрыдычных і фізічных асоб;
іншыя крыніцы, не забароненыя заканадаўствам.
5.4. Установа не мае права без згоды ўласніка адчужаць або іншым спосабам распараджацца замацаваным за ім маёмасцю і маёмасцю, набытай за кошт сродкаў, выдзеленых яму, калі іншае не ўстаноўлена заканадаўчымі актамі.
5.5. Работнікі ўстановы і вучні абавязаны беражліва ставіцца да будынкаў, збудаванняў, абсталявання, транспартных сродкаў і іншай маёмасці Установы, выкарыстанне якой павінна ажыццяўляцца ў адпаведнасці з прызначэннем маёмасці, санітарнымі нормамі, правіламі і гігіенічнымі нарматывамі.
5.6. Прыцягненне Установой дадатковых сродкаў не нясе за сабой зніжэння нарматываў і памераў яго фінансавання з бюджэту.
5.7. Установа можа ажыццяўляць платныя паслугі ў сферы адукацыі.
5.8. Аказанне платных дадатковых адукацыйных паслуг не можа ажыццяўляцца наўзамен ці ў рамках адукацыйнай дзейнасці, якая фінансуецца за кошт сродкаў мясцовага бюджэту, наносіць шкоду ці пагаршаць якасць прадастаўлення асноўных адукацыйных паслуг, якія аказваюцца за кошт сродкаў мясцовага бюджэту.
5.9. Аказанне Установай платных дадатковых адукацыйных паслуг вучням ажыццяўляецца дабравольна і са згоды бацькоў або законных прадстаўнікоў вучняў на падставе дагавора.
5.10. Кошт платных дадатковых адукацыйных паслуг вызначаецца Установай у адпаведнасці з заканадаўствам Рэспублікі Беларусь з улікам эканамічна абгрунтаваных затрат, неабходных для іх аказання, і зацвярджаецца дырэктарам Установы.
5.11. Грашовыя сродкі, атрыманыя ў выніку ажыццяўлення гаспадарчай дзейнасці, у тым ліку аказання платных паслуг, паступаюць у самастойнае распараджэнне Установы, улічваюцца на асобным балансе і расходуюцца па каштарысах, зацверджаных у адпаведнасці з заканадаўствам Рэспублікі Беларусь.
5.12. Аплата працы работнікаў Установы ажыццяўляецца ў адпаведнасці з дзеючым заканадаўствам, калектыўным дагаворам Установы.
5.13. Матэрыяльна-тэхнічная база Установы фарміруецца Заснавальнікам у адпаведнасці з патрабаваннямі, устаноўленымі заканадаўствам.
5.14. Заснавальнік забяспечвае абнаўленне і развіццё матэрыяльна-тэхнічнай базы Установы.
5.15. Установа мае права на дзейнасць па забеспячэнню бяспекі юрыдычных і фізічных асоб у частцы аховы юрыдычнай асобай, належачых ей аб’ектаў (маёмасці).
РАЗДЗЕЛ 6. ПАРАДАК КІРАВАННЯ ЎСТАНОВАЙ АДУКАЦЫІ. СТРУКТУРА І ПАРАДАК ФАРМІРАВАННЯ ОРГАНАЎ КІРАВАННЯ І САМАКІРАВАННЯ
6.1. Кіраванне Установай ажыццяўляецца ў адпаведнасці з Кодэксам Рэспублікі Беларусь аб адукацыі, Палажэннем аб установе агульнай сярэдняй адукацыі, іншымі актамі заканадаўства, сапраўдным Статутам і будуецца на спалучэнні прынцыпаў адзінаначалля і самакіравання.
6.2. Да выключнай кампетэнцыі Заснавальніка адносіцца:
прыняцце рашэння аб стварэнні, рэарганізацыі і ліквідацыі ўстановы;
зацвярджэнне Статута Установы, змяненняў і (або) дапаўненняў, якія ўносяцца ў Статут Установы;
вызначэнне прадмета, мэт і задач дзейнасці Установы;
прызначэнне на пасаду і вызваленне ад пасады кіраўніка Установы, заключэнне, змяненне, спыненне працоўнага дагавора (кантракта) з кіраўніком Установы;
ажыццяўленне функцый кантролю за выкарыстаннем і захаванасцю маёмасці.
6.3. Заснавальнік рэалізуе іншыя правы і абавязкі, устаноўленыя заканадаўствам і гэтым Статутам.
6.4. Непасрэднае кіраўніцтва Установай ажыццяўляе дырэктар, які прызначаецца на пасаду і вызваляецца ад займаемай пасады аддзелам адукацыі, спорту і турызму Веткаўскага раённага выканаўчага камітэта па ўзгадненні з Заснавальнікам.
6.5. Дырэктар Установы:
дзейнічае ад імя Установы без даверанасці і нясе адказнасць за вынікі яго дзейнасці;
выдае загады, заключае дагаворы, выдае даверанасці, адкрывае рахункі ў банках у межах сваёй кампетэнцыі;
арганізуе кіраванне вучэбнай, выхаваўчай, навукова-метадычнай работай супрацоўнікаў Установы;
кіруе работай па інтэграцыі Установы ў міжнародную адукацыйную і навуковае супольнасць;
зацвярджае структуру і штатны расклад у межах устаноўленай колькасці і расходаў на ўтрыманне;
прымае на работу і звальняе з яе ва ўстаноўленым парадку педагагічных і іншых работнікаў, вызначае іх абавязкі і зацвярджае іх службовыя інструкцыі;
рэалізуе іншыя паўнамоцтвы, устаноўленыя актамі заканадаўства і сапраўдным Статутам.
6.6. Дырэктар Установы ў дзейнасці па кіраванні Установай узаемадзейнічае з органамі самакіравання Установы.
6.7. Асноўным органам самакіравання Ўстановы з’яўляецца педагагічны савет, які ўзначальвае кіраўнік Установы адукацыі.
Ва Установе могуць стварацца іншыя органы самакіравання: савет, бацькоўскі камітэт, апякунскі савет. Кампетэнцыя, склад і арганізацыя дзейнасці дадзеных органаў самакіравання вызначаецца ў адпаведнасці з заканадаўствам Рэспублікі Беларусь, палажэннямі аб адпаведных органах самакіравання,. Палажэнні аб органах самакіравання зацвярджаюцца Міністэрствам адукацыі.
РАЗДЕЛ 7. УЛІК, СПРАВАЗДАЧНАСЦЬ І ПАРАДАК КАНТРОЛЮ ЗА ДЗЕЙНАСЦЮ УСТАНОВЫ
7.1. Рэвізіі (праверкі) фінансава-гаспадарчай дзейнасці Установы ажыццяўляюць дзяржаўныя кантралюючыя органы, упаўнаважаныя ў адпаведнасці з актамі заканадаўства праводзіць рэвізіі (праверкі) фінансава-гаспадарчай дзейнасці дзяржаўных устаноў, у тым ліку ўстаноў адукацыі.
7.2. Бухгалтарскі ўлік, статыстычная і іншая справаздачнасць ва ўстаноўленым парадку, а таксама фінансава-гаспадарчая дзейнасць ажыццяўляецца на дагаворных пачатках арганізацыяй, якая аказвае дадзеныя віды паслугі.
7.3. Пісьмовая справаздачнасць вышэйстаячым органам падаецца Установай ва ўсталяваныя тэрміны ў адпаведнасці з заканадаўствам Рэспублікі Беларусь.
За непрадастаўленне і (або) скажэнне справаздачнасці, парушэнне тэрмінаў яе прадстаўлення службовыя асобы Установы нясуць устаноўленую заканадаўствам адказнасць.
7.4. Кантроль за дзейнасцю Установы ажыццяўляецца Заснавальнікам і Упаўнаважаны органам.
7.5. Дзяржаўныя органы, упаўнаважаныя ажыццяўляць кантроль за забеспячэннем якасці адукацыі, ажыццяўляюць дзейнасць па праверцы адпаведнасці адукацыі адукацыйнаму стандарту, вучэбна-праграмнай дакументацыі адукацыйных праграм, адукацыйнай дзейнасці патрабаванням заканадаўства.
7.6. Установа праходзіць дзяржаўную акрэдытацыю, пацверджанне акрэдытацыі ў адпаведнасці з заканадаўствам Рэспублікі Беларусь.
РАЗДЗЕЛ 8. МІЖНАРОДНАЯ ДЗЕЙНАСЦЬ УСТАНОВЫ
8.1. Установа ажыццяўляе міжнароднае супрацоўніцтва ў адпаведнасці з актамі заканадаўства на аснове міжнародных пагадненняў і дагавораў у галіне адукацыі.
8.2. Установа мае права, па ўзгадненню з Заснавальнікам, наладжваць прамыя сувязі з органамі ўпраўлення адукацыі і ўстановамі адукацыі замежных краін, міжнароднымі арганізацыямі, фондамі з мэтаю абмену вопытам арганізацыі адукацыйнага працэсу, правядзення сумесных мерапрыемстваў (канферэнцый, семінараў).
8.3. Установа па ўзгадненню з Заснавальнікам мае права заключаць пагадненні з замежнымі ўстановамі адукацыі аб абмене педагагічнымі работнікамі.
РАЗДЗЕЛ 9. ПАРАДАК РЭАРГАНІЗАЦЫІ І ЛІКВІДАЦЫІ ЎСТАНОВЫ
9.1. Стварэнне, рэарганізацыя і ліквідацыя Установы ажыццяўляюцца ў парадку, устаноўленым Кодэксам Рэспублікі Беларусь аб адукацыі і іншымі актамі заканадаўства.
9.2. Рашэнне аб ліквідацыі Установы прымаецца Заснавальнікам.
9.3. У выпадку спынення дзейнасці Установы, анулявання, спынення дзеяння спецыяльнага дазволу (ліцэнзіі) на адукацыйную дзейнасць Установы (па яго адасобленым падраздзяленням, у адносінах адной або некалькіх работ і (або) паслуг, якія складаюць адукацыйную дзейнасць) Заснавальнік прымае меры па пераводзе навучэнцаў з іх згоды, згоды законных прадстаўнікоў непаўналетніх вучняў у іншыя ўстановы адукацыі, якія рэалізуюць адпаведныя адукацыйныя праграмы, у парадку, у парадку, прадугледжаным заканадаўствам Рэспублікі Беларусь.
Выконваючы абавязкi дырэктара,
настаўнік Дзяржаўнай установа адукацыі
«Прыснянская базавая школа» А. С. Скачкоў
